Inkalintegan ti Department of Justice (DOJ) ti ligal nga addang daytoy iti panangipila iti kaso a kriminal kontra kenni Vice President Sara Duterte iti Korte Suprema .
Iti maysa nga interview, impetteng ni Department of Justice Spokesperson Atty. Polo Martinez nga ada ti prima facie evidence wenno umdas a nadadagsen nga ebidensya ti prosekusyon tapno ituloy ti kaso.
Impetteng metlaeng ni Martinez a mandati ti nasao nga opisina nga ipila ti kaskenan a demanda apaman a nabigbig dagiti prosekutor nga umdas dagiti ebidensya kontra iti maysa a mairekreklamo.
Maipalagip nga intuloy ni Department if Justice ti panangipila iti kaso kontra iti bise presidente iti tallo a bilang ti kaso a grave threats idiay Quezon City Regional Trial Court.
Daytoy ket maipanggep iti insawang ti bise presidente a panagpangta kontra kada President Ferdinand “Bongbong” Marcos Jr., First Lady Liza Araneta-Marcos, ken sigud a House Speaker Martin Romualdez.
Maipalagip metlaeng nga idi kalman, impatungpal ti Quezon City Regional Trial Court ti oral arguments para iti impila ti kampo ni VP Sara a mosyon ken manipestasyon a mangkidkiddaw iti pannakaibasura ti kaso ken lapdan ti panangiruwar iti warrant of arrest kontra iti bise presidente.
Iti baet dayta, agtaltalinaed a natibker ti Department of Justice nga umdas dagiti ebidensya dagitoy tapno agtuloy ti inpilada a kaso.
