Agtultuloy ti panagngato ti annual budget ti siudad iti Baguio bayat nga agtultuloy ti epektibo a pannakaipaay kadagiti kangrunaan a serbisio ken pannakaipatungpal dagiti high-impact development projects iti siudad.
Sigun kenni Baguio City Mayor Benjamin Magalong, ngimmato ti annual budget iti siudad iti 14.4% idi 2025, manipud ₱2.63 billion idi 2019.
Manipud idi Hulio ita a tawen, nakaurnong ti siudad iti P2.25 bilion a mangikagkagumaan a mangsustiner iti badyet ita a tawen a ₱3.65 bilion nga addaan iti 62% a nausaren manipud idi napalabas a bulan.
Innayonna pay nga agtultuloy ti panagdur-as ti ekonomia ti siudad no sadino idi 2024, ti ekonomia ti Baguio ket ngimmato iti 5.8%, manipud iti ₱169.02 bilion agingga iti ₱178.85 bilion, no sadino sigud a ₱26.09 bilion sakbay ti pandemia.
Nu pay kasta, impeksa iti Mayor a kasapulan a papigsaen iti siudad ti lokal a revenue base, mangrugi iti bayad ti basura babaen ti Ordinance No. 69, series of 2026, saan laeng a tapno makatulong a mangsuporta iti gastos iti basura.
Sigun pay kenkuana, napateg ti mangpataud iti innovation, entrepreneurship, culture, ken baro a solusion a mangpabalin iti siudad nga agtultuloy a mangadaptar ken rumang-ay tapno maragpat ti vision nga agbalin a liveable, inclusive ken creative city ti Baguio inton tawen 2043.| via Bombo Khey Reparip
