Imbutaktak ni House prosecution witness a naipaay ti P35 million a kontrata ti gobierno iti GenCorp Industries kabayatan ti termino ni Vice President Sara Duterte.
Naideklara ni Duterte kas stockholder iti GenCorp Industries Inc., maibasar iti Statements of Assets, Liabilities, and Net Worth (SALNs) daytoy sipud idi 2013.
Sigun kenni Philippine Government Electronic Procurement System (PhilGEPS) Division Chief Rendell Sopeña, in-award ti Philippine Health Insurance Corp. (PhilHealth) Region 11 ti 33 a kontrata iti GenCorp.
Malaksid iti dayta, in-award ti Davao City government ti 15 a kontrata, bayat a maysa a kontrata ti in-award ti Overseas Workers Welfare Administration (OWWA) Region 11.
Sigun pay kenni Sopeña, naipaay ti P34.2 million a kontrata no sadino, 1.3 million iti PhilHealth ken P330,000 iti OWWAA.
Ti testimonya ni Sopeña ket paset ti presentasyon ti prosecusyon iti ebidensiya para iti Article II ti impeachment complaint, mainaig iti saan a mailawlawag a kinabaknang ti bise presidente.
Kabayatanna, kinompirmar ni Lead Prosecutor Gerville Luistro a ti 49 a kontrata ti nai-award kabayatan ti termino ni Duterte kas bise presidente, manipud 2022 agingga 2026.
