Manarimaan ti koordinasion dagiti kameng iti pulisia ken iti Mines and Geoscience Bureau (MGB) para ti posible a pannaka-iserra ti mining tunnel, a nakatayan iti pito nga indibidual gapu iti maatap a gas poisoning.
Inyunay-unay ni Benguet Governor Melchor Diclas a ti prayoridadda ket ti kinatalged dagiti minero ken proteksion iti aglawlaw.
Sigun kenni Diclas, ti panagminas ket maysa kadagiti pagbiagan dagiti kailyan. Nupay kasta, nasken latta ti panagannad.
Innayonna pay a nakasagana ti PLGU a tumulong iti aniaman a mabalin a tulong a maipaayda ngem ur-urayenda paylaeng ti pinal nga imbestigasion dagiti pulisia.
Imbinglay ti nasao nga opisial a ti probinsia ket maad-addaan iti meeting kadagiti maseknan nga ahensia karaman ti pannakabagi manipod iti large scale mining ken small scale mining maipapan iti kinatalged.
Mangipapaulog pay dagitoy iti advisory seknan iti panangsuspindir iti mining activities tunggal adda ti kalamidad.
Malaksid iti dayta, adda metlaeng ti seminars a maipatpatungpal para kadagiti minero ken kompania ken dadduma pay maipapan iti kinatalged. Nupay kasta, impetteng ti opisial a saan latta a maliklikan ti aniaman nga insidente.
Inkari met ti gobernador a maadal manen ti polisia ken interim permit nga impaay iti gobierno kadagiti minero.
Kasaruno iti insidente iti maatap a gas poisoning idiay Itogon, Benguet.
Nagpalagip met daytoy kadagiti minero iti kanayunan ken panangiprayoridad iti kinatalged. | via Bombo Noveh Organo
