Nagbakwit ti agarup 100 a residente sadiay Agoncillo, Batangas gapu iti panagbettak ti Taal Volcano idi Huebes, Okt. 8, 2026.
Napasamak ti panagbettak ti bulkan ken naigiddan iti panagkimat, pasado 6:00 p.m.
Naobserbaran dagiti residente ti Barangay Bilibinwang idiay Agoncillo ti napuskol ken nangisit nga ash clouds manipud iti bulkan.
Sigun iti Philippine Institute of Volcanology and Seismology (PHIVOLCS) agtaltalinaed iti Alert Level 1 ti Tall volcano kasaruno ti lima a minutos a minor phreatomagmatic eruption iti main crater.
Nupay bimmaba ti ashfall, binalakadan ti Agoncillo local government unit (LGU) dagiti nagbakwit a saanda nga agsubli a dagus iti pagtaenganda gapu iti agtultuloy nga angot ti asupre ken pakaseknan iti kinatalged.
Agtultuloy ti panagwanawan ti Agoncillo Municipal Disaster Risk Reduction and Management Office (MDRRMO) kadagiti apektado a lugar ken ti panagikkat digitoy iti pitak kadagiti kalsada gapu iti panagtinnag ti dapo.
