Impeksa iti Bureau of Fire Protection- CAR a maysa kadagiti mapaspasaran a problema iti rehiyon ket ti forest fire no sadino maibasar iti report, maysa ti Benguet, Kalinga ken Mountain Province kadagiti makailislista iti nangato a report iti forest fire iti entiro a rehiyon.
Sigun kenni Fire Superintendent KATHERINE B ALBINO, Chief, Public Information Section iti Chief, Operations Division, Bureau of Fire Protection–Cordillera Administrative Region, napasaranen daytoy idi napalabas a tawen no sadino adda dagiti naireport a forest fire iti rehiyon.
Sigun pay kenkuana, adda metten dagiti mitigation measures iti rehiyon nu pasayaatenda pay dagiti fire safety campaign.
Mainaig met iti pagalaan iti danum, manamnama ti bassit a danum gapu iti El Niño, isu’t gapunna nga agbirbirok da metten kadagiti alternative water sources ken manarimaan metten ti koordinasyon dagitoy kadagiti municipal fire station.
Maysa kadagiti inisyatibo da ita ket ti koordinasyon iti DPWH no sadino nagkiddaw da iti rain water harvest.
Guyguygoyen met ti opisyal dagiti Municipal Fire Station iti rehiyon a maaddaanda iti MOA wenno katulagan kadagiti LGU, dadduma nga ahensya ken private sectors, tapno ad-adda nga epektibo ti plano dagitoy mainaig iti forest fire.
Kabayatanna, maysa iti namnamaen ti ahensya a maisayangkat iti entiro a rehiyon ket ti “No Fire Plan Bonus” nga immunan a naipatungpal idiay Mt. Province.
Ti No Fire Plan Bonus ket maysa nga incentive program nga inisyatibo ti provincial government no sadino no maaddaan iti incentives ti maysa a barangay nga awanan iti rekord a forest fire iti makatawen.
Namnamaen met ni Albino a maadaptar daytoy iti sabali a probinsya tapno lumawa pay ti mitigation measures iti rehiyon a posible a mangkissay iti forest fire. // via Bombo Khey Reparip
