Posible a mangipaulog ti Senado iti resolusyon mainaig iti karit ti Chinese Embassy kadagiti mammanday linteg nga ideklara dagitoy a “perona non grata” ni Chine Ambassador to the Philippines Jing Quan .
Daytoy ket gapu iti kinuna daytoy a kontra iti Pilipinas.
Sigun kenni Sen. Joseph Victor “JV” Ejercito idi kalman, pagsarsaritan dagiti senador ti posibilidad a mangipaulog dagitoy iti resolusyon kasaruno ti kinuna ti amassador a nalaka nga abaken ti China ti Pilipinas no agaramat dagitoy iti pwersa mainaig iti isyu ti West Philippine Sea.
Impeksa ti Senador nga agtigtignay ti Senado mainaig iti nasao nga isyu ngem saan a pinal ti desisyon iti nasao a resolusyon.
Kabayatanna, inladawan ni Ejercito a ‘‘very rude, hostile,and undiplomatic’’ ti statement ni Jing.
Para iti senador, nasaysayaat a sukatan ti Beijing ti nasao nga ambassador no seryoso daytoy iti pannakapasayaat ti relasyon ti Pilipinas ken China.
