--Ads--
Sinungbatan ti Chinese Embassy sadiay Metro Manila ti singasing ni Senator Risa Hontiveros a maideklara ni Chinese Ambassador Jing Quan a persona non grata iti pagilian.
Iti social media post ti nasao nga embahada, kinunada a saan a welcome ni Hontiveros sadiay China agsipudta saanda metlaeng a welcome dagitoy iti pagilian.
Daytoy ti sungbat ti embahada kalpasan nga insingasing ni Hontiveros a rumbeng a pagsungbaten ni Quan iti kinuna daytoy a nalaka a maparmek ti Pilipinas iti kanito nga aramidenda iti pwersa.
Nainget a kinondenar ken binabalaw daytoy dagiti sumagmamano a Senador.
Impetteng dagitoy a ti sasao ti Chinese envoy ket pangta iti pagilian iti baet ti kumarkaro a tension iti West Philippine Sea.
