Nakasagana ti Armed Forces of the Philippines (AFP) a tumulong iti Philippine National Police (PNP) iti posible a pannakatiliw ni Senador Ronald “Bato” dela Rosa, no kiddawen ti pulisya ti tulong dagitoy.
Sigun kenni AFP spokesperson Colonel Francel Margareth Padilla, ti PNP ti kangrunaan a responsable iti pannakabagi ti linteg, ngem mabalinda a mangipaay iti intelligence ken operational support no kasapulan.
Wanted ti International Criminal Court ni Dela Rosa mainaig iti kaso a maatap a pakainaigan dagiti crimes against humanity iti war on drugs ni sigud a President Rodrigo Duterte.
Immuna a kinuna ti DILG nga aglemlemmeng ti senador sadiay Mindanao ken salsalakniban ti maysa nga armado a grupo.
Naidiaya ti P50 million a gunggona para kadagiti makaipaay iti impormasyon a mangitunda iti pannakatiliw ti Senador.//
