Dinepensaan ti Malacanang ti panangidatag iti P50 Million para iti pannakaarestar ni Senator Bato Dela Rosa.
Sigun kenni Palace Press Officer Usec. Claire Castro, adadda a bumasbasit ti lubong ti senador gapu iti panangregget dagiti otoridad iti panangsarak kenkuana.
Maipalagip a naikan ti maysa a lawas ti senador tapno sumuko no sadino agleppas ti nasao nga ultimatum ita nga aldaw.
Mainaig iti dayta, nagkiddaw ti kampo ti senador iti Oktobre 28 iti temporary restraining order manipud iti Korte Suprema kontra iti panangiserbi iti warrant ken ti panangilatag iti P50M a pabuya para iti pannakaarestar daytoy.
Inkalintegan met ti opisina ni Atty. Israelito Torreon, counsel ti senador nga awan ti lehitimo a warrant manipud iti anyaman a korte iti pagilian.
Nu maipapan met iti ICC warrant ti senador, patien dagitoy a nabayagen a naglusolos ti Pilipinas manipud iti nasao nga international tribunal ken saan daytoyen a saklaw ti Pilipinas.
