Dumanonen iti 69 ti bilang dagiti pimmusay gapu iti panagdinnungpar ti dua a high-speed train idiay Spain, bayat a 57 paylaeng dagiti agtaltalinaed iti ospital.
Agtultuloy ti panagbirok dagiti rescuers kadagiti posible a biktima a naipit kalpasan ti aksidente idi Mierkoles, Oktobre, 28.
Indeklara ti gobierno ti tallo nga aldaw a national mourning, bayat a nasurok iti 800 a kameng ti militar ken polis ti naidestino para iti rescue operations.
Kabayatanna, intuloy dagiti driver ti train ti planoda a welga tapno agkiddaw dagitoy iti kanayonan a pondo ken pannakapasayaat ti kinatalged dagiti riles.
Maibasar iti kaudian nga imbestigasyon, napasamak ti insidente kalpasan nga automatiko a nagsardeng ti sumagmamano a tren gapu iti isyu iti signaling system.
