Agbalballaag ti Public Order and Safety Division (POSD) kadagiti illegal peddlers kagiddan ti pannakaobserbar ti All saints day and all souls day iti siudad ti Baguio.
Sigun iti enforcer ti POSD a ni Czar Joshua Salcedo, addan dagiti sumagmamano nga indibidual a naipaayan iti violations kalpasan a na “business out of line” dagitoy.
Inlawlawag ni Salcedo a “bussiness out of line” agsipudta nainayun ti sabong nga ilaklakoda a saan a karaman iti permit dagitoy.
Sigun iti opisial, nakapwesto dagitoy iti sangwanen ti Baguio Public Cemetery.
Kinuna ti nasao nga enforcer a ti panagtiliwda iti illegal peddlers ket nakabase kadagiti permits wenno special permit dagitoy.
Impeksana a kadawyan paikaten ken ipapaayanda iti warning dagiti illegal pedllers ngem nu maulit-ulit ti pannakasita dagitoy ket makumpiskar dagiti tagilakoda.
Maipaulog met ti tickets kadagiti aglabsing nga stalls ken negosyo.
Kabayatanna, manmanama nga adda dagiti maideploy a kameng ti POSD iti public cemetery,sumagmamano kadagitoy ket nakauniporme bayat a dagiti dadduma ket naka-sibilian.
Malaksid iti illegal peddlers, padasen metlaeng nga ilook-out dagiti individual nga agtakaw iti sabong, atang ken ilakoda manen.
Dagiti maitiwan ken maipaima iti PNP. //Bombo Noveh Organo
