Nangipatungpal ti Lindawan National High School iti Classroom Based Aggressive Behavior and School Safety Drill itay nabiit.
Ti nasao nga aktibidad ket paset iti strategic measures and programs a direktiba ti Department of Education (DepEd) a pabilgen ti kinatalged ti pagadalan pakairaman dagiti mannursuro (teaching ken non- teaching) estudiante ken bisita.
Daytoy ket indaulwan ti Baguio City Police Office (BCPO) Station 3-Pacdal, City DRRM Team, Schools Division DRRM Team, Barangay Lucnab representatives, School Nurse-in-Charge, School Head, School DRRM Focal Person nga aktibo a pinartisiparan ti learners, teaching personnel, ken non-teaching staff.
Kabayatanna babaen iti nasao nga initiatiba ken programa, maipakita ditoy ti kinasagana ken rumbeng nga aramiden ti pagadalan tapnu maisagana metlaeng dagitoy ti school safety protocols kas iti pananglockdown iti entero a classroom iti kanito nga adda ti emerhensiya.
Bayat ti drill, nainget a sinurut dagiti nakipartisipar ti prescribed school safety measure pakairamanan ti panagbarikada, total silence, staying out of sight ken panagobserbar iti epektibo a communication procedures.
Kalpasan ti drill, napasamak ti post evaluation kadagiti stakeholders tapnu maasess ti effectiveness ti naipatungpal nga aktibidad ken mabigbig dagiti nasken a maimprove.
Iti sabali a bangir, impeksa met ti nasao a pagadalan ti panangsustinir ken panagpabilegda iti partnership dagiti nagdu-duma nga stakeholders a tuloy-tuloy a mangsupsuporta kadakuada.
Babaen iti kolaborasyon ken regular safety activities, mamintinir ti commitment ti pagadalan a mangfoster iti culture preparedness, resilience, ken safety.//Bombo Noveh Organo
