--Ads--
Nairekord ti Philippine Coast Guard (PCG) iti nasurok 672,000 a pasahero kadagiti nagduduma a sangladan iti intero a pagilian idi Sabado, kagiddan ti UNDAS.
Sigun iti PCG, karaman ti Cebu, Iloilo, ken Batangas kadagiti lugar a kaaduan ti pasahero.
Manamnama a dumanon iti 2 million ti dagup a bilang dagiti agbiyahe ita a Domingo.
Kabayatanna, naka-heightened alert ti PCG ken mangisayangkat dagitoy iti maritime patrols, vessel inspections, ken security monitoring tapno masigurado ti natalged ken naurnos a panagbiahe dagiti pasahero.
Maibalbalakad kadagiti pasahero a saan dagitoy nga agibiyahe kadagiti nalaka a mauram a banag wenno natadem a banag, nangruna kadagiti sangladan ken barko.
