Indaulwan ni President Ferdinand “Bongbong” Marcos Jr. ti panagsapata dagiti 10 nga indibidual a dinutukanna a mangidaulo kadagiti nagduduma nga ahensiya ti gobierno.
Karaman kadagiti Cabinet officials a nagsapata ket ni Executive Secretary Ralph Recto, Justice Secretary Fredderick Vida, Public Works Secretary Giovanni Lopez, Labor Secretary Francis Tolentino, Health Secretary Edwin Mercado, Environment Secretary Juan Miguel Cuna, Tourism Secretary Maria Bernardita Mathay, Transportation Secretary Vince Dizon, Budget Secretary Kim Robert De Leon, ken Philippine Space Agency Director General Gay Jane Perez.
Sakbay a nagsapata dagiti nasao nga indibidual, kinomendaran ti President Marcos Jr. dagiti Cabinet officials no sadino, inawaganna dagitoy iti “best team ever”.
Sigun kenkuana, dagiti dinutukanna a Cabinet officials ti kasayaatan a team sipud idi gabinete ti ama daytoy a ni sigud a President Ferdinand Marcos Sr.
Kabayatanna, inlawlawag ni Executive Secretary Ralph Recto a ti panagsapata dagitoy ket mangipasimudaag nga inawatda ti interim appointments manipud iti Presidente.
