Inyunay-unay ni National Bureau of Investigation (NBI) Director Melvin Matibag a ti kinalatak ti maysa nga opisial ti gobierno ken saan a mangsalaknib kadakuada manipud iti panagsungbat wennno accountability.
Daytoy ti kinuna ni NBI Direc. Matibag kalpasan a dinakamat ti depensa ti kaudian a trust rating ni Vice President Sara Duterte kabayatan ti impeachment trial idi Martes, July 21, 2026.
Kabayatan ti cross-examination ni Direc. Matibag, inpresenta ni defense counsel Mark Vinluan ti social media post seknan iti 57% a trust rating ti Bise Presidente ken ti 34% a trust rating ni President Ferdinand Marcos Jr.
Kinuwestionaran ni defense counsel Vinluan ni Matibag no maikonsidera a niliputan ni VP Duterte ti panagtalek ti publiko iti baet nga addaan daytoy iti nangato a trust rating no idilig kenni President Marcos Jr.
Sinungbatan daytoy ni Direc. Matibag no sadino, kinunana a ti resulta ti survey ket mangipaay laeng iti snapshot ti sentimiento ti publiko.
“A survey is just a snapshot of what is happening. It doesn’t necessarily follow na kapag ‘yun ang lumabas, ‘yun na ang totoo,” sigun kenni Direc. Matibag
Inkalintegan ni Direc. Matibag a saan a rumbeng a basaran ti kinalatak ti maysa a tao iti panangikeddeng no addaan daytoy iti panagsungbat iti maipagarup a dakes nga aramid daytoy.
“Pangalawa, kapag po ating pinagbasehan ang popularidad, ang ibig sabihin po ba nito ang isang pinakakilala at popular na tao pwede nang gumawa ng krimen at hindi natin papanagutin?” innayon ni Direc. Matibag
