Dumanon iti 10, 483 nga examinees ti nakipaset iti umuna nga aldaw ti 2024 Bar Examinations ita nga aldaw, sigun iti Supreme Court (SC).
Maibasar iti report, 5,234 dagiti baro nga aplikante, 4060 dagiti sigud a takers ken 1,189 dagiti refreshers.
Idi napalabas a bulan ti Hulyo, impakaammo ti Supreme Court a dumanon iti agarup 12-K nga aplikasyon ti naawatda para iti nasao a Bar Examinations.
Sigun kenni Supreme Court Associate Justice and Bar Chairperson Mario Lopez, ti kataengan a Bar examinee ket agtawen iti 78-anyos bayat a ti kaubingan ket agtawen iti 23-anyos.
Iti nasao a datos, dumanon iti 155 a senior citizens ken 313 a persons with disabilities ti nakipaset iti nasao nga eksaminasyon.
Naituding a mairuar ti resulta ti Bar Examinations inton Disyembre iti agdama a tawen ken maipatungpal ti oath taking dagitoy inton Enero 24 inton sumaruno a tawen.
