Dumanon iti agarup 1, 200 a pampubliko a pagadalan ti naituding a mangikanselar iti panagrugi ti klaseda inton bigat, Hulyo baente nuebe, sigun iti Department of Education.
Daytoy ket para iti panakaipatungpal ti clean-up drive ken rehabilitation kalpasan ti panagdalapos ni bagyo a Carina ken ti habagat a nakaapektaran dagiti ado a pagadalan.
Maibasar iti datos ti Department of Education, dagiti pagadalan a naapektaran ket ti National Capital Region, Ilocos Region, Central Luzon, South Cotabato, Sultan Kudarat ken General Santos City.
Gapu iti dayta,sumagmamano a pagadalan ti mangirugi ti klaseda inton Agosto singko iti agdama a tawen.
Immuna met nga imbaga ni Department of Edcation Secretary Sonny Angara a mabalin a maitantan ti panagrugi ti klase dagiti pagadalan a naapektaran nu pay kasta dagiti awan ti dadaelna ket ituloyda ladta ti klase inton bigat.
