Sinukimat ti Department of Public Works and Highways (DPWH) dagiti agarup 21,000 a public buildings kas paset ti panagsagana para iti “The Big One” wenno ti 7.2 magnitude a ginggined a possible a mapasaran iti Pilipinas.
Sigun kenni Department of Public Works and Highways Undersecretary Catalina Cabral, kaaduan kadagiti pasdek a sinukimat dagitoy ket kasapulan ti retrofitting wenno mas maipangato ti standards dagitoy para iti international earthquake standards.
Kinunana pay a nasken metlaeng a masukimat dagiti rangtay nangruna sadiay Metro Manila gaputa napateg daytoy iti ekonomiya ti Pilipinas.
Nasukimat dagitoy kasaruno ti pangta ti Philippine Institute of Volcanology and Seismology (Phivolcs) a possible a mapasaran ti “The Big One” kasaruno ti napasamak a ginggined sadiay Thailand ken Myanmar.
