Impakaamo ni President Ferdinand Marcos Jr. a nangilatang ti gobyerno iti P83.744 million a food ken non-food items iti rehiyon Cordillera kas panagsagana dagitoy iti panawen ti panagtutudo.
Sigun kenni Marcos Jr. kabayatan ti ceremonial distribution of Presidential Assistance idiay Apayao idi kalman, manamnama ti paniempo ti panagtutudo rason a nangisaganada iti pondo nga agarup walo pulo a milyon.
Iti nasao nga agarup P83 million a pondo, daytoy ket buklen ti P4,437,218 para iti standby fund, P25,197,515.57 para kadagiti food packs ken P54,109,723.92 para kadagiti food ken non-food items.
Kabayatanna, impakaamo ti Presidential Communications Office a manamnama a makapasar ti probinsiya ti Apayao iti below-normal rainfall ita a bulan kasta met dagiti daduma a probinsiya iti rehiyon Cordillera.
Iti sabali a bangir, nangipaay ni Marcos Jr. iti P771.300 million a financial assistance iti nasao a rehiyon para iti panakatulong dagiti mannalon ken mangngalap a naapektaran ti El Niño.
Tag P50 milion ti naipaay kadagiti probinsiya ti Apayao, Ifugao, Kalinga, ken Mountain Province; P34.52 million iti Abra ken P29.74 million iti probinsya ti Benguet.
