Binabalaw dagiti sumagmamano a senators ti agbalor iti agarup P8.9 billion a farm-to-market road (FMR) projects a mapapati a nai-“swapped” dua nga aldaw kalpasan nga inaprobaran ti bicameral conference committee (Bicam) ti singasing a 2026 budget ti Department of Agriculture (DA).
Sigun kenni Senator Francis “Kiko” Pangilinan, chairman ti Senate committee on agriculture, nangisumiter ni Department of Agriculture Secretary Francisco Tiu Laurel Jr. a surat idi Disyembre 15 no sadino daytoy dagiti listaan dagiti farm-to-market road (FMR) projects a saan a nairaman iti version nga inaprobaran ti bicam idi Disyembre 13, 2025.
Kinunana nga inlawlawag met ni Laurel ti panangipaay dagitoy iti baro a listaan gaputa ti immuna a naisumiter ket saanna nga inaprobaran, agsipud ta nakamedical leave daytoy.
Nupay kasta, impetteng ti senator a taktakderan ti senado ti listaan dagiti nasao a proyekto a naaprobaran idi Disyembre 13, la ketdi awan ti miembre ti bicam a nag-object iti daytoy
Gapu iti dayta, impetteng ni Senator Loren Legarda a rumbeng a saan a sukatan ti gobierno dagiti items iti budget proposals iti last minute agsipud ta possible a makaapektar daytoy iti dadduma pay a proyekto.
