--Ads--
BAKUN, BENGUET – Agpatpataming ita iti ospital dagiti agina kalpasan a natnag ti naglugananda a mini-dump truck idiay Tood, Gambang Bakun, Benguet idi kalman.
Iti pannakiuman ti Bombo Radyo kenni Police Captain Rober Velasco, dadaulo ti Bakun Municipal Police Station, kinunana a napukawan iti preno ti mini-dump truck bayat a paawid dagitoy rason a natnag iti garden nga addaan kauneg a 20 metro.
Gapu iti daytoy, nadunor ti saka dagiti agina bayat a saan met a nadunor ti driver ti mini-dump truck agsipud ta nakatapuak daytoy.
Dagiti biktima ket agtawen iti 72 ken 36, agpada a residente idiay Upper Gambang bayat a ti driver ket agtawen iti 33 ken tubo ti Upper Gambang.
