BAGUIO CITY- Agbalbalin a parikut dagiti umili idiay Barangay Irisan, Baguio City ti agkurkurang a suplay ti danum sadiay.
Iti pannakiuman ti Bombo Radyo kenni Honarable Arthur Carlos ti Barangay Captain ti Irisan, Baguio City, kinuna a daytoy ti umuna a parikutda iti masakupanna a barangay.
Sigun kenkuana kaaduan kadagiti naapektaran iti daytoy ket pakairamanan ti purok 19, 20,21 ken 22 iti nasao a barangay.
Gapu iti daytoy, nangisubmitir ti nasao a kapitan ti surat iti Baguio City Water District tapno agtaripnong dagitoy, tapno mailawlawag ken masungbatan ti parikut dagiti umili.
Nupay kasta saan a nakipaset dagitoy iti nasao a taripnong.
Malaksid iti dayta, naapektaran metlaeng dagiti mula dagiti mannalon sadiay gapu paylaeng ti kinakurang ti suplay ti danum.
