BAGUIO CITY – Saan a nagbalin a lapped ti agsinnabali a lengguahe iti baet ni Cordilleran Striking Coach Benedicto “Ben” Alumno ken ti trainee daytoy a ni Chinese Mixed Martial Artist Zhang Weili.
Iti interview ti Bombo Radyo kenni Alumno, kinasapulanna ti ag-adjust idi damona nga isanay ni Weili gapu ta bassit laeng ti kabisadona iti dialecto a Mandarin.
Malaksid iti dayta, inaklon ni Alumno a naikawa daytoy idi damona nga isanay ni Weili gapu ta maysa a babae daytoy ken saanna a kailyan.
Nupay kasta, nagbalin a nasayaat ti fighter-trainer relationship dagitoy nu sadino tallo a tawen ti kontrata a pinirmaan ni Alumno nga agserbi kas coach ni Weili.
Sigun kenni Alumno, saan unay a naragsakan daytoy iti naudi a laban ni Weili nupay daytoy ti agdama a nakaiggem iti titulo ti Ultimate Fighting Champion (UFC) Strawweight Division gapu ta lamang ti kinalaban daytoy iti striking.
Innayon ti nasao a coach a masapol pay a mapasayaat ti panagboxing ni Weili nangruna iti body shot punches gapu ta naobserbaran a maysa daytoy nga head hunter.
Kabayatanna, panggep ni Coach Alumno iti agdama nga ituloy ti karerana kas maysa a coach ken saanna pay a panggep ti makisalip kas maysa a fighter.//Bombo Rob Dominguez
