INDIA – Maysa a mannanakaw ti sagus a nakemmeg dagiti pulis gapu iti naimas a panagturogna iti uneg mismo ti tinakawanna a balay idiay India idi Hunyo dos.
Ti akinkuna ti balay a ni Dr. Sunil Pandey ket nairana nga awan iti pagtaenganna gapu ta nakadestino iti sabali a lugar.
Sigun kadagiti otoridad, napintas ti turog ti mannanakaw idi nakita-da iti nasao a pagtaengan.
Maibasar iti imbestigasyon, pinadas ti suspek nga itaray ti kuarta, water pump, washbasin ken gas cylinder.
Ngem idi nakita-na ti aircon ket niluktanna daytoy, nagala iti pungan ken nagidd iti datar.
Naduktalan met ti kaarruba ni Dr. PAndey a nakalukat ti gate-na nu sadino dagus a nagtawag dagitoy ti pulis.
Naduktalan metlaeng a nakainom ti arak ti mannanakaw.
Nabigbig ti suspek iti nagana a Kapil, ken nakasoan metten daytoy iti kaso a panagtakaw.
