![](https://img.bomboradyo.com/baguio/2019/06/parreno.jpg)
BAGUIO CITY – Binigbig ti Commission on Elections (COMELEC) babaen kenni Commisioner Al Parreño ti dakkel nga akem ti pulisya ken militar iti panakaisayangkat ti natalna ken naiballigi a 2019 midterm elections sadiay probinsya ti Abra.
Iti naangay a post-election assessment itay agsapa sadiay Bangued, Abra, napadayawan dagiti amin nga istasyon ti pulisya ti probinsia, ti militar ken dagiti election officers a nagserbi iti napalabas nga eleksion.
Impaay ni Parreño dagiti certificates of commendation kadagiti nasao a personalidad.
Kinunana a ti panagkaykaysa ken kinagaget dagiti pulis, militar, COMELEC ken dagiti stakeholders ti rason iti panagballigi ti napalabas nga eleksion sadiay Abra.
Maipalagip a ti Abra ket nairaman iti category red dagiti election hotspots iti napalabas a midterm elections.