Impakaamo ti Bureau of Immigration (BI) a babaen iti aktibo a sim card ni sigud a Bamban, Tarlac Mayor Alice Guo ket isu ti nangitunda iti panakatrack wenno panakadiskobre daytoy dagiti otoridad iti maysa a hotel sadiay Tangereng City, Java, Indonesia.
Sigun kenni Bureau of Immigration Fugitive Search Unit chief Rendel Sy, addaan ni Guo iti tallo a cellphone ken maysa nga aktibo a numero.
Maibasar iti report, uppat a Chinese national ken maysa nga Indonesian citizen ti nangtulong kenni Guo nga aglemmeng iti pagilian nga Indonesia.
Maipalagip nga idi kalman ket nakasangpet ni Guo iti pagilian nupay kasta, niliklikanna a sungbatan dagiti saludsod nu kasano daytoy a nakaikkat iti pagilian iti laksid ti panakaiulog ti immigration lookout bulletin kontra kenkuana.
Iti agdama, sumangsango ni Guo iti deportation a kaso ken 87 counts ti money laundering.
