Nangipila ita laeng nga aldaw ni aktor Sandro Muhlach ken ti National Bureau of Investigation iti reklamo kontra iti dua nga indibidual para iti mapapati a “sexual assault.”
Ti impila a reklamo ti aktor ken ti NBI Public Corruption Division ket “rape” babaen ti “sexual assault” kontra iti dua nga indibidual.
Nagturong ni Sandro Muhlach ken ti amana a ni veteran actor Niño Muhlach kaduada ti NBI iti Department of Justice (DOJ) idiay Manila nu sadinno, nagsapata ni Sandro iti sanguanan dagiti prosecutors.
Patien ti abogado ni Muhlach nga addaanda ti natibker nga ebidensia kontra iti dua nga indibidual.
Para met kenni Muhlach, patienna a rumuar metlaeng ti kinapudno.
Idi laeng napalabas a lawas, nakipaset dagiti independent contractors a da Jojo Nones ken Richard Cruz iti Senate inquiry ken pinaglibakanda ti sexual a panangabuso kenni Muhlach.
