Napaneknekan a “guilty” wenno nagbasol ni sigud a Bamban, Tarlac Mayor Alice Guo iti Pasig Regional Trial Court Branch 167 seknan iti kasona a Qualified Trafficking in Persons.
Ti desision ket adda pakainaiganna iti operasion ti Philippine Offshore Gaming Operators (POGO) idiay Bamban nu sadinno, ginasgasut a mangmangged ti naisalakan iti maysa a raid.
Impataw ti korte ti pannusa a reclusion perpetua a katukad ti tungpal biag a pannakaibalud.
Ni Guo ket nagbalin a sentro iti kontrobersia kalpasan a rimmuar ti alegasion ti pakainaiganna kadagiti Chinese nationals ken ti iligal a POGO hub.
Malaksid iti trafficking, napagsaritaan metlaeng ti kinasiasino ken citizenship ni Guo a nangpakaro iti interes ti publiko.
Ti desision ti korte ket mabigbigbig a pakasaritaan kontra iti maysa a lokal nga opisial a nairaman iti POGO-related crimes.
Ibilbilang metlaeng daytoy a balligi para kadagiti biktima iti human trafficking ken balakad kadagiti opisial a mabalin a mairaman iti iligal nga operasion.
