APAYAO PROVINCE – Pakabuklan a 798 nga uniformed personnel ti napataud ti Armed Forces of the Philippines (AFP) recruitment program iti probinsiya ti Apayao iti las-ud ti pito a tawen manipud tawen 2017.
Panggep daytoy a programa nga ipatungpal ti kangrunaan a pagrebbenganda a mangsalaknib ken agserbi iti umili ken iti nasao a probinsiya.
Manipud iti nasao a bilang, 753 ti simrek iti Philippine Army, 38 iti Philippine Marines, ken pito iti Air force.
Daytoy a programa ket babaen iti panangidaulo ni Governor Elias C. Bulut Jr. a panggepna a solusyonan dagiti nagduduma a problema iti maymaysa daras.
Mamati ni Bulut Jr. a ti panangisponsor iti maysa a miyembro iti yApayao family a makipaset iti army ket mangrisut iti insurhensiya iti probinsiya; mangkissay iti kinaawan ti panggedan ken kinakurapay; ken maallukoy ti ad-adu pay nga agtutubo a mangikagumaan nga agadal ken agaramid ti nasayaat.
Iti agdama, nakadeploy dagitoy iti nagduduma a lugar iti Luzon, Visayas ken Mindanao.
Kabayatanna, nasurok P2-million ti nailatang a pondo para iti nasao a programa nu sadino karaman ditoy ti allowance dagiti trainee tunggal bulan, meal allowance, medical check-ups, rentals ken basic needs.
Al-allukoyen met ti Recruitment unit dagiti aspiring yApayaos a mangisubmitirda ti application ken kasapulan a dokumento iti opisina dagitoy.
