BAGUIO CITY–Maituloy latta ti panakaiwaras ti AztraZeneca vaccine iti kanito a sumangpet ti ginatang ti lokal a gobierno ti BAguio City nga bakuna para kadagiti residente ti siudad.
Imbinglay daytoy ni Mayor Benjamin Magalong kabayatan ti interview ti Bombo Radyo Baguio kenkuana.
Impaganetgetna a maiwaras ti bakuna agingga a saan paylaeng a mapaneknekan ti damag mainaig iti maatap nga blood clot a napasaran dagiti dadduma a nabakunaan rason ti panakaisardeng ti dadduma a pagilian iti panagaramat ti AtraZeneca vaccine.
Dinakamatna a natalantan ti nasao nga isyu kabayatan ti panakitaripnongda kadagiti miembro ti AztraZeneca team ken dagiti Local Government units (LGUs) ditoy pagilian.
Sigun kenkuana, ururayen metlaeng dagiti nagduduma nga LGUs ti imbestigasyon ti kompanya ti AztraZeneca ken ti World Health Organization mainaig iti nasao nga isyu.
Kabayatana, inaklon ni Mayor Benjamin Magalong a ngumatngaton dagiti bilang ti panggepda nga agpabakuna kontra iti COVID-19.
Dinakamatna a tinagiragsakna ti manay-nayunan nga bilang dagiti health workers nga boluntaryo a nagpabakuna kalpasan ti panagsangpet ti umuna nga doses ti Sinovac ken AztraZeneca vaccine.
Imbinglayna nga dumanonen iti 80% dagiti healthworkers ditoy siudad a nabakunaan kontra iti COVID-19.
Sigun apy kenkuana, adu dagiti nagkedked nga agpabakuna idi manarimaan paylaeng ti assessmentda kadagiti panggepna nga agpabakuna.
Nupay kasta, naragsakan daytoy ta adu dagiti boluntaryo a nagpabakuna kalpasanda nga makita dagiti kakaduada nga nabakunaan kabayatan ti vaccination rollout dagiti healthworkers.
Patienna nga nakita dagiti healthworkers ti kinapateg ti mabakunaan nangruna ta nagbalin nga issue kadagiti dadduma ti brand ti bakuna nga maawatda.
