FRANCE – Inreklamo ti maysa a babae sadiay France ti kompanya a pagtatrabahoanna gapu ta agswelsweldo daytoy uray awan ti araramidenna.
Idi 1993, naala iti maysa a kompanya ni Laurence Van Wassenhove iti baet ti sakit daytoy a partial paralysis ken Epileptic.
Nu sadino naipaayan laeng daytoy ti trabaho kas maibasar iti kabaelanna nga aramiden kas iti secretary ken nagbalin a paset ti Human Resource Department.
Kalpasan ti agarup sangapulo a tawen, napatgan ti kiddawna a maiyalis iti sabali a rehiyon ti France.
Nupay kasta, saan a naipaayan daytoy iti uray maysa a trabaho ken kompleto pay ti maaw-awatna a sweldo daytoy.
Gapu iti dayta, inreklamo ni Laurence iti gobyerno ti kasasaadna nu sadino kinunana a maysa a kita ti diskriminasyon ti inaramid ti kompanya daytoy.
Nagpalawag met ti kompanya a saanda nga impaayan ni Laurence ti aniaman a klase ti trabaho gapu ta saan a maitunos iti kabaelan daytoy ken maikonkonsidera ti medical condisionna.
Kalpasan ti panagreklamo ni Laurence, naipaayan daytoy ti trabaho iti nasao a kompanya ngem saan metlaeng a makatrabaho daytoy gapu ta kanayon a naka-sick leave.
