Dumanonen iti baente a katao ti pimmusay bayat a sangapulo ket uppat ti mapukpukaw gapu iti Southwest Monsoon wenno Habagat ken Tropical cyclones Gener ken Ferdie.
Daytoy ket sigun iti National Disaster Risk Reduction and Management Council (NDRRMC).
Maibasar iti report, siyam ti nailista sadiay Mimaropa, uppat sadiay Western Visayas ken Bangsamoro Autonomous Region sadiay Muslim Mindanao, dua sadiay Zamboanga Peninsula kien maysa sadiay Central Visayas.
Iti sabali a bangir, dumanon iti agarup 597-K wenno agarup 156-K a pamilya ti naapektaran gapu iti saan a nasayaat a sasaaden ti panawen.
Dumanon met iti 62,995 a katao ti agnanaed iti evacuation center bayat a dumanon iti agarup P2.4 million ti danyos ti panawen iti imprastraktura.
Kaadoan kadagiti naapektaran ket nailista sadiay Western Visayas a dumanon iti 73,512 a pamilya.
