Posible a manayunan pay ti bagas ti Pilipinas gapu iti naglabas a bagyo a dimmalapos iti pagilian.
Kasaruno ti naawat ni President Ferdinand Marcos, Jr. a report manipod iti Department of Agriculture.
Sigun iti Presidente, agangkat ti Pilipinas iti agarup 4.5 milion a tonelada, nangatngato ngem idi napalabas a tawen a dumanon laeng iti 3.9 milion a tonelada.
Dinakamatna a saan nga agresulta iti panagngato ti presio ti bagas ti panagangkat ti bagas manipod iti dadduma a pagilian.
Impasiguradona nga aramidenna ti kabaelanna tapno makontrol ti presio dagiti makan nangruna dagiti produkto a nadadael gapu iti naglabas a bagyo.
Maipalagip nga innem a bagyo ti nakastrek iti Pilipinas iti uneg laeng ti tallo a lawas pakairamanan ti bagyo a Kristine, Leon, Marce, Nika, Ofel ken ti agdama a bagyo a Pepito.
