Naiyawiden ti bagi ti lalaki a pimmusay sadiay Tuba, Benguet idi kalman kalpasan a naidungpar ti imanmaneho daytoy a motorsiklo iti concrete sewer barrier.
Ti lalaki ket agtawen iti 24, tubo ken residente iti Tadiangan Tuba, Benguet.
Maibasar iti imbestigasyon iti kapulisan, saan a nakontrol ti lalaki ti motorsiklo nga inmanehona idi dumaldalyasat daytoy iti pakurba a paset iti kalsada rason tapno maaksidente daytoy.
Kalpasan ti pannakaidungpar ti motorsiklo iti nasao a barrier, natnag daytoy ken ti driver iti sewer canal.
Sigun pay iti imbestigasyon, ti aksidente ket nangeg ti maysa a pamilya nga agnanaed iti asideg ti nakapasamakan daytoy.
Kasaruno dayta, nagturong dagitoy iti nakapasamakan ti aksidente nu sadino,nakitada ti lalaki a nakadasay ken nagsagrap iti severe head injuries gaputa saan daytoy a nakahelmet.
Malaksid iti dayta, naduktalan metlaeng nga awanan daytoy iti awit a driver’s license.
Dagus met a nagresponde dagiti otoridad ken intarayda ti lalaki sadiay Baguio General Hospital and Medical Center.
Nupay kasta, naideklara daytoy a dead on arrival gapu iti nasagrapna a nakaro a dunor partikular iti ulona.//Bombo Genzel Depayso
