--Ads--
![](https://img.bomboradyo.com/baguio/2022/11/ABRA-DRWONING-2.png)
Nasarakanen ti lalaki nga imununan a naireport nga maatap a nalmes idi November 4, 2022 iti Abra river sadiay Abra.
Nabigbig ti biktima a ni Roger Belisario, 49-anyos, ken residente ti Zone 4 Bangued, Abra.
Nasarakan ti bagi ti biktima a tumtumpaw iti passet ti Santa,Ilocos Sur river idi Dominggo.
Sigun iti asawa daytoy a naki-picnic daytoy kadagiti pagayam na iti sirok ti Calaba Bridge nu sadino nadlaw dagiti kakdwa na pasado alas-dose iti aldaw a mapukpukaw ni Belisario ken nakadisso ti bado ken tsinelas daytoy iti igid ti karayan.
Sigun iti Santa Municipal Police Station awan ti foul play a napasamak iti insidente.
Kabayatanna, kinidaw ti pamilya ti biktima ti autopsy tapno maamwan ti rason ti kangrunaan nga ipupusay ti lalaki.