Nangipasa ti maysa a resolusyon ti Baguio City Council tapno komendaran dagiti dua a pinay boxers a naka-iyawed ti bronze medal iti kallepas a Paris Olympics.
Dagitoy da Aira C. Villegas ken Nesthy Petecio a limmaban iti of 50-kilogram ken 57-kilogram weight division iti womens boxing.
Dagiti dua a boksingero ket agpada a nagadal idiay University of Baguio.
Nagserbi dagitoy kas student athlete manipud iti panagbalinda kas miembro ti Philippine National Boxing Team.
Nakalanad iti resolusyon a ti panagbalin nga olympians da Petecio ken Villegas ket nangipaay iti pride ken honor iti University of Baguio kasta met iti Baguio City.
Malaksid kadagiti dua a boksingero ket karaman pay nga student-athlete ditoy siudad ti Baguio da Carlo Paalam ken Irish Magno.
Mangnamnama ti Baguio City LGU ti panagsangbay dagiti olympians tapno personal a maiyawat kadakuada ti nasao a pammigbig nga immuna idi a naipaay kada Petecio, Paalam ken Magno iti panagpartisiparda idi ti Tokyo Olympics.//jordan tablac
