Kinumpirmar ti top official ti Department of Foreign Affairs a saan a bangkay ti Pilipino ti naisangpet iti pagilian manipud Kuwait nu di ket bangkay ti foreigner.
Sigun kenni Department of Foreign Affairs Undersecretary Eduardo de Vega, imbes a ti bangkay ni Jenny Alvarado ti maiyawid iti pagilian ngem sabali a bangkay ti nakita ti maseknan a pamilya.
Impetteng ni De Vega a nagkiddaw iti pammakawan ni Department of Migrant Workers Secretary Hans Cacdac gapu iti nasao nga insidente.
Iti baet dayta, impasigurado met ni Overseas Workers Welfare Administration (OWWA) administrator Arnell Ignacio iti pamilya ti overseas Filipino worker nga aramidenda ti kabaelanda tapno maiyawid ti pudno a bangkay ti biktima.
Maipalagip a maysa ni Jenny kadagiti pimmusay gapu iti coal suffocation manipud iti heating system iti pagtabtrabahuanna idiay Kuwait idi Enero a dos.
