Manamnama a maiyawid ita nga aldaw iti pagtaenganda dagiti bangkay dagiti tallo nga overseas filipino workers a biktima iti napasamak nga uram idiay Kuwait itay laeng nabiit.
Sigun kenni Overseas Workers Welfare Administration chief Arnel Ignacio, ti repatriation dagitoy ti babaen iti tulong ti presidente.
Malaksid iti dayta, kinuna ni Migrant Workers Secretary Hans Leo Cacdac a nasayaat ti kasasaad dagiti innem nga overseas filipino workers a kadua dagitoy ken manamnama ti dagus a repatriation dagitoy bayat a manarimaan metten ti recovery dagiti dua a kaduada iti maysa a pagagasan idiay Kuwait.
Kabayatanna, naiyawid metten idiay India dagiti bangkay dagiti uppat a pulo ket lima a biktima iti nasao metlaeng nga insidente.
Iti agdama, manarimaan paylaeng ti imbestigayson tapno maamuan ti rason ti nasao nga uram.//Rose
