--Ads--
Addan iti Arlington Memorial Chapels and Crematory sadiay Quezon City ti bangkay ni sigud a Department of Public Works and Highways Undersecretary Catalina Cabral.
Maibasar iti naala a report ti Bombo Radyo, pasado alas tres itay parbangon, Disyembre 21 a nakadanun dagitoy sadiay Metro Manila manipud sadiay Tuba, Benguet.
Maipalagip a naibyahe daytoy idi alas-11:45 idi metlaeng rabii, December 20,2025 manipud iti funeral homes sadiay Tuba, Benguet.
Naimatangan metlaeng ti Bombo Radyo news team a nangipatulod iti sabong ni sigud a Department of Public Works and Highways Secretary Manuel Bonoan no sadino nangipatulod daytoy iti panakipagladingitna iti pamilya ti pimmusay a ni Cabral.
