Manamnama a maiyawid ti bangkay ti maysa pay a Pilipino a napapatay iti panag-atake ti Houthi iti Eternity C iti pagilian inton madamdama, Disyembre 6,2025.
Kinumpirmar daytoy ni DMW Foreign Employment and Welfare Services Undersecretary Felicitas Bay kasaruno ti panangkompleto-da kadagiti documentary ken clearance requirements para iti panakaiyawid dagiti bangkay dagiti napapatay a Pilipino.
Ti maiyawid a biktima ket karaman kadagiti tallo a Pilipino a napapatay idi Hulyo 7, 2025 gapu iti panag-atake ti rebelde a Houthi.
Immunan metten a napalubusan dagiti Eternity C crew members, pakairamanan dagiti siyam a Filipino seafarers a nakawtibo iti nasurok lima a bulan.
Malaksid iti dayta, immunan metten a naiyawid ti bangkay dagiti dua a kadua ti pimmusay itay nabiit.
Makikikoordinar metten ti Migrant Workers Department kadagiti pamilya dagitoy tapno mangipaay iti kaskenan a tulong.
