--Ads--
BAGUIO CITY – Nakemmeg ti maysa a baro gapu iti maatap a panangramesna iti maysa a menor de edad sadiay Magsaysay, Loakan Proper, Baguio City.
Suspek iti nasao nga insidente ni Windy Estoke, 18-anyos, awanan trabaho, tubo iti Pugo, La Union ken residente ti nasao a lugar.
Maibasar ti salaysay ti biktima, nag-inom dagitoy iti balay ti suspek ken kalpasan ti panag-inom dagitoy ket nagpakada ti biktima nga agawid ngem nagboluntaryo ti lalaki nga itulodna ti biktima iti balayda.
Kabayatan ti panagawid dagitoy inguyod ti suspek ti biktima iti karuruutan nga paset ti dalan ket ditoy nan a ginundawayan ti biktima.
Nakemmeg ti suspek babaen ti nagtipon a pwersa ti Baguio City Police Office Station 4 ken dadduma pay a maseknan nga ahensya.
