--Ads--
BAGUIO CITY – Malamlamayan ita ti bangkay ti maysa a baro kalpasan a nalmes iti karayan babaen iti Kaparkan Falls sadiay Barangay Pang-ot, Lagayan, Abra itay kanikadua.
Nabigbig daytoy a ni James Harold Dela Cruz, 19-anyos ken residente ti Gadanni, Tayum, Abra.
Maibasar iti inisyal a report, nasarakan idi malem kalman ti bangkay ti baro iti deppaar ti Tineg River kalpasan a nalmes idi kanikadua ti agsapa.
Naisayangkat ti search operation babaen iti nagtipon a pwersa dagiti barangay officials, pulisya ken Municipal DRRM Office.
