Manamnama a mairuar ti Baguio City Police Office ViewBag App(BCPOviewBag App) iti kabiitan a panawen wenno sakbay a sumangbay ti 2025 Baguio Flower Festival.
Ti nasao nga application ket inaramid ti Information Technology expert iti nasao nga ahensya a mabalin a makatulong iti publiko ken iti panangpalag-an iti nailet a gunay iti trapiko iti Baguio City.
Babaen iti BCPOviewBag App, mabalin a makita dagiti user ti traffic situation, tourist destinations, ordinances ken advisories, kasta metten a mabalin a maakses dagiti nagduduma nga hotline numbers.
Ti nasao nga application ket naaramid idi pay Disyembre ngem saan pay a nairuar para iti publiko gapu ta manarimaan paylaeng iti testing ken panakapasayaat dagiti sumagmamano a features daytoy.
Iti agdama, dagiti paylaeng kameng ti pulisya ti addaan iti akses wenno makaar-aramat iti daytoy.//Bombo Noveh Organo.
