--Ads--
Baguio City- Nagturong ni Benguet Cong. Eric Go Yap idiay Kabayan ken Buguias, Benguet tapno personal nga ipadanon ti panagrikna kadagiti biktima a pimmusay gapu iti panagdalapos ti Bagyo nga Uwan.
Nangipaay pay iti burial assistance ni Cong Yap iti pamilya dagiti pimmusay a biktima.
Maipalagip a pimmusay ti biktima nga agtawen ti 65 idi aldaw ti Lunes, Nobiembre 10 kalpasan a nagreggaay ti daga iti ngato a paset iti pagnanaedan ti biktima idiay Sitio Tinaleb, Barangay Ballay, Kabayan, Benguet.
Napasamak ti insidente iti parbangon iti kangitingitan ti Bagyo nga Uwan nu saddino, nairaman a nagaburan ti biktima.
Nailista met ti dua nga indibidual ti pimmusay idiay Ili ti Buguias gapu met laeng iti panagregaay ti daga. // Bombo Jordan Tablac
