Ibagi ti maysa kadagiti prominente a law firms iti pagilian ni Vice President Sara Duterte iti impeachment trial daytoy iti Senado.
Daytoy ket kalpasan nga opisial a nagpabigbig dagiti abogado manipod iti Fortun Narvasa and Salazar law firm kas defense team ni Vice President Sara iti Senado, nga agserbi kas impeachment court.
Karaman kadagiti mangidepensa kenni Duterte ket ti beterano nga abogado a ni Sigfrid Fortun, a sigud a nagserbi kas defense team ni sigud a President Joseph Estrada bayat ti impeachment tria-na manipod idi December 2000 agingga January 2001.
Indepensa metlaeng ni Fortun ni Senator-elect Panfilo Lacson iti kaso a Kuratong Baleleng.
Ti defense team ni Duterte ket buklen ti 16 a pakairamanan ni sigud nga Office of the Vice President spokesperson Michael Poa ken Gregorio Narvasa II, nga anak ni sigud a Chief Justice Andres Narvasa.
