Umad-adu ti bilang dagiti cut flower gardeners iti rehiyon Cordillera.
Iti interview ti Bombo Radyo kenni Andy Colte Sr., mai Cut Flower Industry-CAR, kinunana a dumanon iti mapatta-patta a nasurok dua a ribo ti bilang dagitoy.
Impakaamo ni Colte a nagtataripnong dagiti amin a flower gardener iti siudad ti Baguio idi Hunio baente uno kadua dagiti flower gardener manipod iti La Trinidad, Benguet.
Kasaruno ti pannakikordinar ni Baguio City Mayor Benjamin Magalong iti maysa nga eksperto ti maipapan iti panagmula a nagtaud manipod pagilian a Taiwan.
Panggep ti nasao a panagtaripnong a masuruan pay dagiti flower gardener a mapaadu, mapasayaat ken maadal nu kasano a mausar dagiti baro a teknolohiya iti panaggarden.
Sigun kenni Colte, apaman a makapasada iti standard ti Taiwan, posible a mai-export dagiti sabong iti nasao a pagilian.
