Impakaamo ni Tourism Secretary Christina Frasco a dakkel ti panagbaba ti bilang dagiti a Chinese nationals ditoy Pilipinas.
Sigun kenni Frasco, agarup tallo gasut a ribo ti bimmabaan ti Chinese arrivals ditoy Pilipinas idi napalabas a tawen.
Idi Mayo idi napalabas a tawen, nainget ti Pilipinas iti visa requirements para kadagiti Chinese tourists iti baet a nangato ti bilang dagiti nakaala iti embahada ken konsulado iti China.
Imbilin pay ni President Ferdinand ”Bongbong” Marcos Jr. ti “total ban” wenno pannakaiparit ti POGO gaputa mapapati a mainaig ti operasionda kadagiti kriminal nga aktibidad.
Kabayatanna, dinakamat ni Frasco nga agtultuloy a numero uno ti South Korea a turista iti Pilipinas, ken impasiguradona a pasayaaten ti gobierno ti panagregget tapno mapaadu ti bilang dagiti sumangpet manipud iti nagduduma a pagilian.
