Dumanonen iti agarup kumurang 4,241 a bilang dagiti overseas Filipino workers (OFW) ken dependents dagitoy manipud Middle East ti balligi a napaawid iti pagilian.
Sigun iti gobyerno, daytoy ti kadakellan a bilang dagiti repatriates a buklen ti pito chartered flights .
Ti kaudian a flight ket idi Biyernes Santo no sadino agarup 344 ti balligi a na-repatriate.
Sinabat dagitoy ni Department of Migrant Workers (DMW) Secretary Hans Leo Cacdac, Overseas Workers Welfare Administration (OWWA) Administrator PY Caunan, ken daddum pay nga opisyales.
228 kadagitoy ket Overseas Filipino workers bayat a 68 kadagitoy ken dependents da, dagiti 48 ket dagiti nastranded a Pilipino idiay Middle East a nangiyebkas a kayatda nga agawid iti pagilian.
Sigun kenni DMW Secretary Cacdac, adda pay ti agurguray a 65 a repatriates a naituding nga agawid ita a weekend.
Malaksid iti dayta, adda pay ti agarup 1,500 overseas Filipino workers manipud UAE ti agururay metlang a ma-repatriate.
Impakaammo pay ti Cacdac a maipaay ti kaskenan a tulong ken assistance kadagiti repatriates kas iti travel accomodation, livehood assistance, ken job-matching.
“Magkakaroon pa tayo ng job fair — virtual and face-to-face job fairs — para masigurado natin na magtagpo ‘yung recruitment agencies dito, employers sa abroad at ‘yung naghahanap ng trabahong returnees natin,” sigun kenni Cacdac. //bombokaren.c.s
