BAGUIO CITY – Patien ti Baguio General Hospital and Medical Center (BGHMC) a babaen iti panagpabakuna dagiti health workers sadiay ket in-inot a mapunas ti buteng ti publiko nga agpakonsulta iti nasao nga ospital.
Sigun kenni BGHMC Medical Chief Dr. Ricardo Ruñez, malawlawagan ti biddot a panangmatmat ti publiko iti negatibo nga epekto ti panagpabakuna kontra iti COVID-19.
Inaklonna a bimmassit dagiti agturturong sadiay kabayatan ti pandemya gapu iti buteng dagiti indibidual a maakaran ken maideklara a positibo dagitoy iti nasao a sakit.
Inayonna a nakapasar iti discriminasyon dagiti daduma a health workers sadiay manipud kadagiti pasyente dagitoy.
Kabayatanna, impettengna a napintas a wagas ti panagpabakuna a mangparmek iti panagwaras ti COVID-19.
